dening Allief Zam Billah
Kaya keprungu Nini Ampu ngrapal mantra
ngegla rara sinucen ngonjukke panuwun sapinggire Rawa Setra. Para resi, wara tribekti nyawiji ing panyuwun. Bumi Lasem tanah suci sawiji tansah ngayomi.
Apa ora mbok rungu Makdum Ibrahim medhar sabda ing Bonang. Sawangen kae Santi Kusuma thiklu ing satengahe dalan. Ngematke lakune sang Guru, ngrasakke munggah mudhune napas mlebu metune karep padhang petenge krenteg
Candhi, pertapan, mejid, greja, vihara, klenteng lan apa maneh kang pengin koksawang. Kabeh gagah dadi pathok tentreme bumi Lasem sawiji.
Cina Arab Jawa lan wong kang mung mampir liwat. Gabah, Candhu, engga kapal kapal perang Majapahit kabeh cumepak ing kene mung tetege lakumu wae sing kudu kokgondheli kareben ora lali.
(Nyuplik cathetan mBah Tan) ~080415~
Tidak ada komentar:
Posting Komentar