Tancep Kayon

Tancep Kayon

Wis daktintingi tekane angin
sing alus ngaturke sesambat
abote nggiring ukara

krana dhadhamu wis kebak tatu

banjur segara ngendi sing nyimpen tandha
kiblat pancere rasa kang koksidhem 

krana kisik kisik wis kebak rereged
karang abang kadya wawa

Wis daktancepke kayu garu
sing godhonge aclum mengku lelayu
nganteni sliramu miyak latu

:tilas alas kobongan

Tuban, 25 Januari 2015