Zamroni Allief Billah
Lintang Panjer Wengi Kang Dadi Seksi
Katon kemelip ing akasa
sumunar padhang pasuryanmu
kaapit mega mega maneka warna
saha lintang lan rembulan
embuh tumeka kapan
angin wengi iki tansah ngancani
anggonku kukuh ngugemi janji
tansah reruntungan lawan sliramu
ngubengi saindhenging wengi
kang nate cinidra ing godha
suwara rikuh gambuh
campuh angreridu
satengahing sembah tetirah
uga ing wengi sepi iki
rikala aku lan seliramu
netepi suka lawan padu
sananjan pisah ing wujud
nanging rasaku lan rasamu
tansah rinakut nyawiji
satengahing goda rencana
suwara suwara kang ngayawara
angreridu kadya gludug tanpa udan
ing kanan lan kering
aku bakal setya tuhu
mring seliramu netepi janji
sineksen lintang panjer wengi
Langganan:
Posting Komentar (Atom)
Tidak ada komentar:
Posting Komentar