By: Zamroni Allief Billah
Kaendahan Kuwi Aran Sepi
Ngubengi lurung lurung suwung
bumi wingit kang kebak sinengker
ngupadi ganda arum wewangen
kang nate mampir ing pangeling
jejogedan pindha widadari
kang tumurun kairing kidung sonyaruri
mbarengi rembulan kang lagi ndadari
sumeblak sampur nyebar arum
ganda melati saha wewangen
kang ora nate dak mangerteni
miyak ganda bacin kang kagawa
angin sore saka lurung lurung suwung
ara ara samun
apa ya wangi iki kang sinebut wahyu suci
kaya pocapane para sepuh kang titi
gati mring kang wujud saha sirri
nanging tumekane wengi kaping telu
ora tinemu nadyan mung wewayangan
kaendahan kang wingi nemahi
Rembang, 01 September 2010
witing gumelar saka sonya
Langganan:
Posting Komentar (Atom)
Tidak ada komentar:
Posting Komentar