Zamroni Allief Billah
Ing Pucuking Giri Rinangkul Ratri
Wengi nyenyet
sumilir angin dalu angrantu
uga gegodhongan lan sato kewan
satemah memuji kinanthi kidung suwung
ngebaki rasa kang wus sawatara
sirna sangking aran manungsa
namung wadag kang njugrug katon
kaya gunung kang gundhul tanpa witwitan
sajroning wengi kang sepi
munggah jumangkah sapucuking giri
mencorong katon kadya kedhaton
ngawe awe datan kemlambe
Rabi’ah hya narpendah
nggugah rasa enggal jumangkah
semendhal sajroning ati
mbrebes mili ngajak enggal bali
ndherekke pepujaning ati
mring pangayunaning gusti
lumayu aneng pucuking giri
Rembang, 30 Agustus 2010
Ing ereng erengan Giri Kedhaton
Tidak ada komentar:
Posting Komentar