Ruwah Rasul Assalamu'alaikum Wr.Wb Sedherek sepuh miwah enem ingkang lenggah wonten mriki kula aturi mirengaken wiraos kula. Kula demi ngikroraken hajatipun bapak Suta saha estri sarta putrane kakung putri uga ndherek gadhah hajat, kempal dados setunggal hajatipun.
Hajat sepindhah shodaqoh krana Allah, kaping kalih ngaturi hurmat dhumateng kanjeng nabi Muhammad saha ara nabi para wali, wali wolu sanga tinari. kaping tiganipun ruwah angrasulake. Dene ruwah rasulipun badhe anikahaken putrnipun benjang. Kaping sekawan, ngaturi hurmat dhumateng sholeh sohabat sekawan; Abu Bakar, Umar, Utsman, Ali. Wondene sekar borat kencana angganten sak piturutipun sampun kadamel cekap.
Dene sari2nipun kaunjuk mbok dewi Siti Aminah lajeng kaunjuk mbok Dewi Siti Fatimah lajeng kaunjuk mbok dewi Khodijah lajeng kaunjuk mbok Dewi Aisyah. Sedaya kala wau ugi kasiyanipun rasul. Wondene ambeng alit punika majmu'ipun tiyang sekaliyan sedaya sami islame, wondene sekul buket punika sari2nipun ngaturi bapa adam lan ibu hawa, lan malih nyumerepi adam kawitan lan wekasan. lan malih ngaturi hurmat dhumateng surya klwn candra tahun 8 sasi 12 dinten 7, pekenan 5, manjing dinten menika(senin pahing).
pinanggih rinten kelawan dalu. lan malih nyumerepi tiyang agung sekawan, malaikat jibril mikail isrofil izroil, anane sedaya dipun aturi hurmat amrih barokahipun. Wondene bucu menika anggenipun gegriyan, ingkang dipun sumerepi sederekipun 4, 5 ingkang sampun maujud.
Anane bapak suta kagungan sariat kados mekaten panyuwunipun putra ingkang dipun nikah/tetaaken saha keluwaragnipun lumuntur dhumateng raja kayanipun pun paringi selamet wilujeng boten wonten alangan punapa2. selamet ngajeng saha wingking. Rehne sampun cekap anggen kawula ngikroraken kawula nyuwun idi pandonga panjenengan sedaya. Tawasul...
Tidak ada komentar:
Posting Komentar