Miyak pepeteng
satengahing alas gedhe
ora ana jalma kejaba
aku lan sliramu
mega ing akasa nutup srengenge
lan padhange rina
sapecak lumaku sapecak kandheg
ngulati dedalan kang kebak gegrayotan
senajan tansah nastiti
nanging rerupa godha
sesandhungan lan sato kewan
pepalanging laku golek dalan
tumuju padhang hawa
takkanthi tanganmu
kang wis apal mangerteni
sakehing jurang lan dalan sumingkir
tumuju pepadhang sayekti
Rembang, 10 Desember 2010
Jumat, 10 Desember 2010
Langganan:
Posting Komentar (Atom)
Tidak ada komentar:
Posting Komentar