Lungaku mesthi bali
kaya sedyaku marang sliramu
nalika kawitan bebarengan
tepung wanita
kang ngenalake rasa
sliramu kenya manuhara
ngulandara ngambah dedalan
ora mung ngimpi
lumaku sayekti
: ngupadi
esemmu wong manis
ora beda tangis
kang dadi pepaesing wengi
rikala padha sirna
ing ngalam pangimpen
kasirep godha wewayangan
kekes pangelusing angin
bakal bali
tumuju bali
bali nyawiji
Rembang, 12 Desember 2010
Sabtu, 11 Desember 2010
Langganan:
Posting Komentar (Atom)
Tidak ada komentar:
Posting Komentar