Ngedap edapi anggone nggereng
wulu lan rambut ginelung
sarwa ireng
surya katutup mega mangsa candhikala
teja abang sumilak kaya kaya
ngranggeh mangsa karep kandha
maring sira penggurit sawiji
ora maedahi lamun koktutupi
kang nggegirisi kelawan jubah suci
becik lumaku kang prasaja
yekti tinemu kang koksedya
ora mung manise samudana
ireng cinipta
krana putih kareben terwela
ing maneka warna rerupa
kabeh wis ginurit
ing gegodhongan kang linempit
katutup cahya sengara
ing jagat lelana
011110
Jumat, 01 Oktober 2010
Langganan:
Posting Komentar (Atom)
Tidak ada komentar:
Posting Komentar