Zamroni Allief Billah
Maisi Maru
Ing candra kaping pitu tinemu
sawuse crita lumaku lan cidramu
ninggalake rasa tanpa warta
alun alun Tuban dadi kenangan
uga kekesing angin ing kisik segara
kayakaya lagi wae wingi tumiba
sepuluh tahun wus lumaku
guwa maharani dadi seksi
rikala rasa lan ati nyawiji
nadyan tanpa ucap kumecap
uga nalika dakrengkuh sliramu
keket ana dhadhaku
sapinggire segara mangsa candhikala
ana pitakon kang lagi wingi
dadi jawab sangka esemmu rikala samana
ing keket rinengkuh sahitya
daktakokke apa kang mbokrasa
nanging dhuh maisi katresnaning ati
sakwuse sepuluh tahun cidramu
ana wadon besaja anggawa tamba
sengara nadyan sliramu kandha yen tresna
Rembang – Tuban 19 September 2010
maisi maru dudu aishiteru
Minggu, 19 September 2010
Langganan:
Posting Komentar (Atom)
Tidak ada komentar:
Posting Komentar