Dalan Tambang Diblokir Warga

Dalan tambang pertelon Dhodhogan Desa Wonokerto Kecamatan Sale Kabupaten Rembang, Selasa (14/5) ditutup dening warga. Pasale, warga wis bunteg pikire ngrasakke sesambate sasuwene iki ora direwes babar pisan dening pengusaha tambang. Bledug sing ora umum saben dina ngebaki latar lan paru-parune.

Salah sawijining warga, Winarno, ngandharake yen dheweke wis ora ketung anggone sesambat masang bos watu. Nanging teka seprene ora ana wujud langkah sangka perusahaan.

Pungkasane, awan kuwi uga difasilitasi dening Camat Sale, Kunardi, antarane 8 perusahaan tambang lan perwakilan warga gawe kesepakatan kanggo ngurangi bledug sing wis gawe pengamuke warga.