Becik kandha kang pratela
tekamu ing omah tuwa iki
sajak nyalawadi
thingak-thinguk anggoleki
embuh watu apa kayu
katon bingung arep ngawiti
pitakon
apa panjaluk ora terang
klagepan kaya klelep tengah segara
lambemu kumecap ora bisa kandha
apa dluwang iki
utawa mangsi tulis
kang dadi kanca raketku
saben wektu kang lumaku
utawa karep atiku
nyepi sawiji ana gladhag
omah tuwa iki
apa karep lan pitakonmu
becik kandha
blaka suta
Rembang, 29 Desember 2010
"Ahrsa"
Rabu, 29 Desember 2010
Langganan:
Posting Komentar (Atom)
Tidak ada komentar:
Posting Komentar