Zamroni Allief Billah
Marang Sliramu Dak Titipke Wengi Iki
Pamintaku marang sliramu
pocapane biyen arikalane padha ngangsu
satengahing ara ara mangsa ketiga
sangka sepuh nalika paring dhawuh
anggawa kranjang mata era
reruntungan golek banyu tawa
ewuh aya pambudine para manungsa
ora rumangsa anggone kesel ora guna
panase donya ora dirasa
uga sakehing godha rencana
nanging tumekane candhik ala
pandeng pinandeng ngemu surasa
engga madyaning ratri
durung tinemu apa kang digoleki
suwara tanpa rupa dhawuh nyawiji
mring sakabehing ati kang padha marsudi
jumbuh dhawuh para sepuh
ing kawitan langkah niat jumangkah
: marang sliramu dak titipke wengi iki
Rembang, 3 September 2010
wanci sukra tengah wana
Langganan:
Posting Komentar (Atom)
Tidak ada komentar:
Posting Komentar