Zamroni Allief Billah
Sigrak buka netra
mring dedege langit bumi
kang sinengkuyung giri
mendhung tumiyung
nglaras ati kang temlawung
nggantung anggondheli
supayanira ora getun keduwung
rikat enggal lampahna
kadya lelakon kang cinarita
: gentur tapa bhrata
ora mung muwus ngentekake
gula kopi menyan gawan
mawar mlathi kembang setaman
krana mung sliramu
kang yektine sedya
ngawiti apadene mungkasi
kanthi laku
Rembang, 27 September 2010
Senin, 27 September 2010
Langganan:
Posting Komentar (Atom)
Tidak ada komentar:
Posting Komentar