Desa 18 Surup

Desa Sale Lor, Desa 18 Omah

Ana sing aneh sangka Dusun Sale Lor. Dusun kang kalebu ing wewengkone Desa Sale Kecamatan Sale Kabupaten Rembang iki wargane ora pernah tambah uga ora kurang. Miturut Sumono (42) Warga asli Sale Lor kahanan sing kaya mengkono kuwi wis lumaku suwe.

Saben ana wong mlebu siji dadi penduduk Sale Lor mengko mesthi salah siji warga kana ana sing dumadakan ora krasan banjur pindhah ing kampung liyane. Kaya mengklono selawase embuh prakara apa kang bisa dadi jalarane kabeh padha ora mangerteni.

"Yen ora wong anyar kuwi sing ora krasan banjur metu sangka kampung, kuwi maknane mengkone bakal ana warga kono kang bakal metu sangka dusun kono," ujare Sumono

Sale Lor pancen bibit kawite Desa Sale. Sakdurunge desa liyane ana, Sale lor luwih dhisik ana. Embuh apa kang dadi sumpahe sing cikal bakal ana kampung Sale Lor engga kampung kaswebut ora nate luwih sangka 18 surup utawa 18 omah.

Senajan tahun tambah uga menungsa sangsaya akeh nanging Sale Lor tetep mung 18 omah ora bisa tambah.